موقع د. كمال سيد الدراوي



اهلا وسهلا بك زائرنا الكريم علي صفحات منتدانا

( دكتور كمال سيد الدراوي)

عزيزي الزائر الكريم .. زيارتك لنا أسعدتنا كثيراً

ونتمني لك اطيب وانفع الاوقات علي صفحات منتدانا

موقع د. كمال سيد الدراوي

طبي_ اكاديمي _ ثقافي _ تعليمي _ _ استشارات طبية_فيديو طبي
 
الرئيسيةالبوابةاليوميةس .و .جبحـثالأعضاءالمجموعاتالتسجيلدخول

شاطر | 
 

 الي اطباء التكليف ( كيف تكون مديراً ناجحا)ً

اذهب الى الأسفل 
كاتب الموضوعرسالة
د.كمال سيد
Admin
Admin
avatar

الحمل
النمر
عدد المساهمات : 1288
نقاط : 2696
السٌّمعَة : 9
الجنس : ذكر
علم بلدك :
تاريخ الميلاد : 03/04/1950
تاريخ التسجيل : 30/07/2012
العمر : 68
الموقع : السودان - سنار
العمل/الترفيه : طبيب عمومى وموجات صوتية
الساعة الان :
دعائي :

مُساهمةموضوع: الي اطباء التكليف ( كيف تكون مديراً ناجحا)ً    الجمعة سبتمبر 14, 2012 6:56 am



كيف تدير وحدتك الصحية

الموضوع دا بيهم كل الزملاء اطباء التكليف وخاصتاً المصريين وعلشان كده انا كتبته باللهجة العامية المصرية وبناء علي تجربتي في الادارة بالوحدة الصحية الريفية وطب الاسرة حبيت انزل الموضوع للافادة..
طبعاً انت متخرج جديد وعمرك صغير وخبرتك قليلة وتكليفك جا علي وحدة صحية يعني هتبقي مدير الوحدة الصحية دي كطبيب اول الوحدة
فلازمك خطة تمشي عليها وحكمة في التصرف علشان الشغل في الوحدة الصحية بيكون كله مسئوليات ووجع دماغ ومشاكل اجتماعية مع الموظفين

يبقي علشان تبقي مدير ناجع المفروض تتبع الاتي :

طاقم الموظفين


طبعاً كل وحدة صحية فيها طاقم موظفين كاتب اول الوحدة ( مواليد - وفيات )
فيها مراقب صحي فيها امناء معامل - رواد ريفيين في طاقم ممرضات مقسم عملهم - في عمال
يعني شغل اكثرهم اداري وممكن تلاقي موظفين اد والدك يعني عمرهم 40 و50
1- مش طبيب وبس انت كمان اداري
لازم تكون عندك معلومات عن الاداريات وبكده هيعملوا حساب ليك ومافيش حد منهم يقدر يلخبط بالشغل لانك هتعرفه وهتكشفه
وتنبه علي الموظف اي اشارة تيجيلك لازن يطلعك عليها ويسجلها في دفتر الوارد وكمان اي صادر يتسجل في دفتر الصادر وتبقي ملم بكل الاداريات
ولو اشارة خاصة بموظف تمضيه بالعلم
2-مش مدير وبس انت كمان اجتماعي
تحاول بقدر الامكان تقرب كل موظفينك منك وتخليهم يحبوك والكبير منهم تحترمه وتقدرهوماتشوفش نفسك عليهم في الشخط والنتر
تبقي اجتماعي وتزورهم وتشاركهم افراحهم وتشاطرهم احزانهم بس تحافظ علي برسيتيجك وشخصيتك معاهم
يعني توصل للمعادلة الصعبة يحبوك وفي نفس الوقت يحترموك
3-الحضور والانصراف
راعي الظروف المفاجئة للموظفين يعني ما تشطبش علي موظف علطول من غير ماتعرف حاجه اديه فرصة يمكن يكون ظرف طارئ باثره غاب
لاتكن صلباً فتكسر ولا ليناً فتعصر
وماتفرقش يعني مفيش خيار ولا فاقوس يعني قرارك اللي هتاخده تجاه موظف تفكر فيه كويس علشان ماترجعشي فيه
4- ختم شعار الجمهورية
(تخلي بالك اوي من ختم شعار الجمهورية تخليه معاك وماتفرطش فيه لاي موظف مهما كان علشان ممكن يستغله في حاجات من وراك
وبكده يوقعك بمسئولية وهو مش هينضر في حاجه الضرر كله عليها يا مدير
5-تصريح الدفن
لما يجي لحضرتك تبليغ عن حالة وفاة بتعمله تصريح دفن باسم المتوفي وعمره وسبب الوفاة وفي اخر التصريح بتمضي طبيب اول الوحدة فلان الفلاني
ماتعتمدش اوي علي علي المبلغ مش هتخسر حاجه لما تروح تعمل توقيع كشف طبي علي الحالة وتتاكد بنفسك سبب الوفاة او تستفسر عليها من احد الموظفين
الناس في القري كلها بتعرف بعضها ولازم في موظف من القرية او قريب من القرية اللي انت فيها
6- المراقبة
يعني ايه المراقبة مش مراقبة يعني هتراقب موظفينك وتصنت عليهم لا طبعاً - مملاحظة طريقة سير العمل وتدور وتفتش وتسال علي دي ودي
يعني ممكن موظف يجي يسألك من بال الاختبار يشوفك فاهم ولا لاء
مش تكون سلبي وتقولهم اللي تشوفوه صح اعملوه لا يادكتور محدش بيضمن في الامور دي
يعني انا مثلا لما مسكت الوحدة الصحية كان كاتب الوحدة عامل تسعيرة للمواليد لما يجي مواطن يسجل مولود ولد بياخد منه100 جنية ولما يسجل بنت ياخد 20 جنية
دا غير طلبات التسجيل بيشتريها المواطن علي حسابة اللي هي ( طابع المواليد 20جنيه)
ودا اكتشفته لما جيت - طبعا الراجل اللي قبلي ما كنش بيسأل ولا يستفسر
7-تذكرة الكشف
طبعاً الوزارة عامله للمواطن تذكرة محددة مش بتزيد عن 5 جنية بل يمكن اقل من 8 ص لغاية 2 م وبعد الوقت دي بتاخد براحتك بس مش براحتك يعني هتزيد عن 10 جنية
لاء - تراعي ظروف الناس وليك نظرة بالشخص اللي قدامك .. تخلي بالك علشان مافيش موظف يمسك عليك غلطة يعني تبقي عندك عزة نفس وقناعة
ماهو بتيجي ليك كشوفات خارجية .. تبقي براحتك خد المبلغ اللي عايزه - بس ماتنساش وانت طالع كشف خارجي تمضي بدفتر خط السير اللي معاك في الوحدة بانك طالع كشف خارجي
وبكده بتحمي نفسك من اي لجنة مفاجئة
8-التقصير والغياب
الوزارة موقرة ليك مكان حلو يعني سكن معقول لدكتور عازب يبقي مالوش لازمة تسيب شغلك وتروح كل شوية علي بيتكم لو كان قريب من بلدك الموبايلات قربت الامور يعني يكفي تطمن علي اهلك
مش يجي مريض يسال يقولوله مش موجود .. يعني كتر الشكاوي بغيابك ممكن تتنقل مكان تاني وساعتها هتحس بنقل تكدير ونفسيتك هتسيئ ومش هتعرف تتأقلم بأي مكان وخاصتاً لو سمعتك وصلت انك منقول بشكاوي
9-نظافة مكانك من نظافة شخصك
معاك طاقم عمال ان كانوا 2 او 3 يعني اخر الشهر بياخدوا مرتب وبيكون مرتب كويس يبقي لازم يعطوك شغل تمام
تفهمهم انهم مش شغالين عند حد يعني مش شغالين في بيتك لاء تفهم شغالين في مؤسسة حكومية ومسئولين عن عملهم
معظم الرواد بيكون معاهم اطفال صغيرين ممكن يلعب بالرابش بتاع الوحدة ودا معظمه ادوات مستعملة
كتير وحدات صحية تلاقي النظافة ما بتتعملش الا يوم ما يكون في لجنة من الوزارة او المديرية او من المجلس القروي طيب ليه دا
انت في مؤسسة طبية والوزارة موفرة ليك عمال نظافة يبقي تشد علي العمال ماهو انت المسئول في الاخر
انا عن زات نفسي سكني داخل الوحدة بالدور الثاني اقسم بالله مافيش يوم دخلت عامل وقولتله تعالي نظف السكن
لاني انا المسئول علي نظافة مكان نومي .. وماتنساش تطلع المراقب الصحي بتاعك يعمل كم محضر نظافة في القرية علشان تحمي نفسك من بتوع المجلس القروي
10-حديقة الوحدة
معظم الوحدات الصحية عندينا مصممة بحديقة مش هتخسر حاجة لو انت شجرتها وحافظت عليها ومعاك عمال تشد عليهم وتفهمهم ان الحديقة دي بتعطي
ايحاء للزائر بنقاء المكان يعني من مقومات الوحدة
11-مظهرك
لازم تظهر بمظهر لائق يليق بمدير وطبيب اول الووحدة قدام الموظفين والزوار يعني ملابسك ونظافتك الشخصية لازم تهتم بيهم
12المواقف
بما انك طبيب اول الوحدة بتتعرض لموافق محرجة كتير مع المرضي ومرافقين المرضي يعني تاخد بالك من تصرفك وتبقي متيقن تماما ان اي تصرف محسوب عليك ويمثل الانطباع الاول للزائر
13-معاملة المرضي

طبعاً انت دارس طريقة المعاملة وسرية الكشوفات مش محتاج لتوجيه فيها بس عايز انبهك علي نقطة بسيطة المعاملة في مستشفيات الجامعة التعليمية غير المعاملة الريفية بتبقي محتاجة دقة شوية والمسئولية هنا عليك اكتر
نصيحتي الاخيرة الاتقان في العمل
اعمل باخلاص وراعي ربك وثق ان لو اجتمع الانس والجن علي ان يضروك بشيئ لن يضروك الا بشيئ قد كتبه الله لك وكن علي علم انك في مهنة سامية فلا تتهاون في عملك
اذكر قصة كنت اسمعها من والدي شفاه الله وعافاه
ان عاملاً كان يعمل بالبناء فاصابه الملل من عمله فذهب الي رئيسه يطلب منه ان يترك العمل ويحيله للتقاعد
فقال له رئيسة اريد منك بناء بيتاً فقط قبلا ان اقعدك وبعدها افعل كما تريد .. فبدأ العامل في البناء وفي مقصده انه اخر عمل يقوم به فلم يحسن مهنته فبدا بالاهمال في البناء والتزيين والتصمميم الذي كان يشتهر به
فعندما انهي المنزل ذهب الي رئيسه واعطاه مفاتيح المنزل واخبره بانه انهي شغله واسودعة ليرحل فاستوقفه رئيسة قائلا خذ مفاتيح المنزل فهذا هديتك نظير تعبك ومكافاءة لك
المقصود هنا اكمل رسالتك علي اكمل وجه ولا تقصر فالجزاء من جنس العمل

اعداد
د. كريم الهوارى
طبيب اول وحدة صحية ريفية



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://dr-kamal.alhamuntada.com
 
الي اطباء التكليف ( كيف تكون مديراً ناجحا)ً
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
موقع د. كمال سيد الدراوي :: دار الاطباء :: ملتقى اطباء التكليف والنواب-
انتقل الى: